borobila | hosting

Blog mezuen lehiaketa Mundua.com-en

Egilea: borobila — Iruzkinak (2)

Mundua.com 2006ko Martxorarte abian jarri ez bagenuen ere, badira bi urte zerbitzu honen garapenean hasi ginela. Gainera gabonak gainean ditugula kontuan izanik, ezkutuko lehen pausu horiek gure erabiltzaileekin ospatzea erabaki dugu.

Blog zerbitzu bat izanik, argi dago ezer ospatzeko modurik egokiena gure erabiltzaileen artean lehiaketa bat antolatzea dela eta horixe da egingo duguna: Mundua.com-eko blogetan argitaraturiko mezu edo istorio onenak sarituz.

Mezu interesgarri, eder, arraro, kurioso edo xelebreena idazten duenak iPod nano bat irabaziko du. Bestalde, gainerantzeko 9 mezu onenen artean iPod Shuffle bat zozketatuko dugu.

Parte hartzeko epea abenduaren 18an gaueko 12etan bukatzen da eta irabazleen berri abenduaren 19an eguerdiko 12etan emango dugu.

Lehiaketaren arauak eta bertan parte-hartzeko onartu eta bete beharreko baldintzak hauek dira:

* Mezua, azaroaren 1etik eta abenduaren 18 bitartean argitaratua izan behar du.
* Mezuak aurkezteko epea gaur hasi eta abenduaren 18an gaueko 12etan bukatzen da.
* Parte hartzeko, gure Kontaktu orritik mezu bat bidaltzea beharrezkoa da, mezuaren helbide edo URL-a emanez.
* Mezua Mundua.com-en edo Mundua.com-etik borobilera migraturiko blog batean argitaratua egon behar du.
* Mezua parte-hartzaileak asmatua, sortua eta argitaratua izan behar du.
* Mezua euskaraz izan behar du.
* Edozein formatutako edukiak onartzen dira: testuak, bideoak, irudiak eta argazkiak.
* Blogari bakoitzak gehienez 3 mezu aurkeztu ditzake.
* Lehiaketarako jasotzen ditugun mezuak Mundua.com-en blogean argitaratzen joango gara.
* Ekostat Informatica-ko langileak ezingo dira aurkeztu.
* Ekostat Informatica-ko langileek epaimahaia osatuko dute.

Besterik gabe, zorte ona izan dezazuela eta nola ez, onenak irabaz dezan.

Animatu zaitezte!

Atalak: Orokorra — Azaroa 28, 2007 @ 15:12

zabaldu bildu del.icio.us

Kontratazio sistema eta bezeroen extranetean mantenu lanak

Egilea: borobila — Iruzkinak (0)

Eguneraketa 02:30: Zerbitzuen migrazioa bukatu dugu eta dena berriz ere martxan dabil.

Ordu gutxi barru, Azaroak 20 goizaldeko 1:00ak aldera, kontratazio sistema eta bezeroen extraneta beste zerbitzari batera migratuko ditugu. Honek zerbitzu bi hauen geldiune laburra suposatuko du.

Geldiune hau, 10 minutu baino laburragoa izango da. Beraz, zerbait kontratu nahi baduzu edo bezeroen extranetean zerbait egiteko beharra badazu, aipaturiko momentua baino lehen egin.

Barkatu eragospenak.

Atalak: Oharrak — Azaroa 19, 2007 @ 06:01

zabaldu bildu del.icio.us

Sare arazoak lemoiz eta marte zerbitzarietan

Egilea: borobila — Iruzkinak (0)

Eguneraketa: Arratsaldeko 18:50ak aldera hasi diren sare arazoak gaueko 21:00ak aldera kondondu egin dira.

Ibercom-en zentru datuan ostatutako zerbitzari guztietan arazoak ditugu, baina batik bat lemoiz zerbitzarian. Seguraski Ibercom-en sarearen sobrekarga bat da, DOS motako eraso batek eragina, zeinek paketen galtzea eragiten duen eta zerbitzuen funtzionamendu egokia galerazten duen.

Ibercom-eko teknikariak arazoaren konponketan lanean ari direla jakinarazi digute.

Atalak: Oharrak — Iraila 5, 2007 @ 19:01

zabaldu bildu del.icio.us

Borobildu zaitez!

Egilea: borobila — Iruzkinak (0)

borobilaren bezeroa bazara eta gure zerbitzuarekin pozik bazaude, zure web gunea borobiltzea ezkertuko genizuke. Mila esker!

Atalak: Berriak — Iraila 4, 2007 @ 16:36

zabaldu bildu del.icio.us

Nola aktibatu PHP5 zure web gunean

Egilea: borobila — Iruzkinak (0)

Modu lehenetsian, borobilan ostaturiko web guneek PHP-ren 4 bertsioa erabiltzen dute “.php” luzapena duen edozein script exekutazeko, baina hau aldatu egin daiteke. Hau da, zuk nahi izan eskero, “.php” luzapena duten script-ak PHP5 erabil dezaten egin dezakezu.

Hau horrela konfiguratzeko, egin behar duzun gauza bakarra zure web ostatatze kontuaren “public_html” direktorioan “.htaccess” izeneko fitxategi batean ondorengo lerroa jartzea da:

AddType application/x-httpd-fastphp5 .php

Hau horrela konfiguratzeko orduan dudarik baduzue gurekin harremanetan jar zaitezte.

Atalak: Berriak, PHP — Uztaila 9, 2007 @ 13:52

zabaldu bildu del.icio.us

Dokumentazio berria Wikian

Egilea: borobila — Iruzkinak (0)

borobilaren Wikian laguntza gida berriak argitaratu ditugula jakinarazi nahi dizuegu.

Atalak: Berriak — Ekaina 2, 2007 @ 14:46

zabaldu bildu del.icio.us

PHP4-ren eguneraketa lemoiz zerbitzarian

Egilea: borobila — Iruzkinak (0)

Eguneraketa: Aipaturiko eguneraketa burutu dugu, dena ondo joan delarik.

Bihar, Maiatzaren 30 1:00ak aldera, PHP4-ren eguneraketa egingo dugu “lemoiz” zerbitzarian. Instalatuko dugun bertsioa 4.4.7 da. Gainera, bezero batek eskaturiko ZIP luzapena gehituko dugu gure PHP4-ren konfigurazioan.

Ez dugu espero eguneraketa honek inolako arazorik ekarriko duenik, dena den zerbitzari hontan ostatatua baldin bazaude eta eguneraketaren ondoren zure web guneak ez badu ondo funtzionatzen, gurekin harremanetan jar zaitez.

Gainerantzeko zerbitzariak momentuz ez ditugu eguneratuko.

Atalak: Oharrak, PHP — Maiatza 29, 2007 @ 14:00

zabaldu bildu del.icio.us

EU domeinuak erregistratzeko aukera

Egilea: borobila — Iruzkinak (0)

Gaurtik aurrera gure kontratazio sistemaren bitartez EU motako domeinuen erregistroa eskatzeko aukera duzuela jakinarazi nahi dizuegu. EU domeinuek urteko 16 € + BEZ balio dute.

Atalak: Orokorra — Apirila 25, 2007 @ 14:51

zabaldu bildu del.icio.us

PHP4 eta PHP5 eguneratuak

Egilea: borobila — Iruzkinak (0)

Duela minutu gutxi zerbitzarietako PHP4 eta PHP5 azken bertsioetara eguneratu ditugu. Orain, 4.4.6 eta 5.2.1 bertsioak eskaintzen ditugu, orain arte 4.4.4 eta 5.2.0 genituen.

Atalak: Oharrak — Martxoa 30, 2007 @ 03:15

zabaldu bildu del.icio.us

boroPress mantentzeari utziko diogu

Egilea: borobila — Iruzkinak (0)

Otsailean, WordPress-en 2.1 bertsioa kaleratu zenetik, gure boroPress softwarea mantentzea etorkizunik gabeko lana dela ikusten egon gara. Izan ere, WordPress-en bertsio berri honek, boroPress-entzako garatu genituen bi plugin garrantzitsuenean funtzionalitatea eskaintzen du iada.

“Edozein orri blogaren sarrera orri” bihurtzeko aukera emanten duen plugina zen boroPress-ek WordPress-ekin alderaturik eskaintzen zuen abantaila nagusienetakoa zen, baina abantaila hau desagertu egin da. Beraz, boroPress mantentzeari utziko diogula erabaki dugu.

Oraindik aurrera beraz, borobilaren bezeroek WordPress instalatu beharko duzue eta ondoren, zuen bloga edo web gunea euskaratu nahi baduzue, gurekin harramenetan jarri. Guk WordPress-en itzulpen fitxategia instalatzeaz gain, boroPress-entzako euskaratu genituen theme edo itxura mordoa instalatu dizkizugu.

Bestalde, WordPress-entzako theme edo itxura gehiago euskaratzen jarraituko dugula jakinarazi nahi dizuegu.

Atalak: boroPress — Martxoa 14, 2007 @ 13:32

zabaldu bildu del.icio.us

Azken berriak

Blog mezuen lehiaketa Mundua.com-en

Kontratazio sistema eta bezeroen extranetean mantenu lanak

Sare arazoak lemoiz eta marte zerbitzarietan

Borobildu zaitez!

Nola aktibatu PHP5 zure web gunean

Dokumentazio berria Wikian

PHP4-ren eguneraketa lemoiz zerbitzarian

EU domeinuak erregistratzeko aukera

PHP4 eta PHP5 eguneratuak

boroPress mantentzeari utziko diogu

Honi buruz:

Bilatu:

Artxiboak:

Atalak:

Loturak:

Meta: